AVOEI (2) NAH GLOBAL MATUPI COMMUNITY DEVELOPMENT ORGANIZATION COFFERENCE ASAI UH

March 13-14, 2020 ; Matupi khopuei kungsut tih GMCDO Conference tah ming cang khonoek lung (9:00) lam ka loh a tong uh. te kah conference tah That Dun Memorial Baptist Church ah asai uh. Taem kung la Nu Thin Dik loh ahut nah.

Chairman olthui kung la Pa Hla Poe, Pa Van Thang (USA, MCDO Assistant Director) neh Pa Thang Lom ( Pyin Oo lwin) loh a hut na uh. Tong thang thui kung la Rev. Dr. Lydia Darying atuek uh. Ca thut kung la pa Tui Moe, Pastor San Di Tang atuek uh.

Conference ah aka lo Global Matupi ca boeih loh MCDO report rhip apaek uh. Re­port akapae rhoek tah MCDO Matupi, MCDO, USA, MCDO Australia, Singapore, Korea, Yan­gon neh Phakant delicate loh Matupi ca rhoek kah kum (2) khui kah pongthoh nakawng rhip athui uh.

Conference Meeting tong na ham la Pa Hla Poe loh athui ol tah MCDO he 2013 November 23 ah tong la om. Amang taeng na tah Matu ca thik-at la bibi ham, Matu capae neh Singyoe pomsang ham, kaepvai khoem bael ham, Hmailong rhoengcawt nakawng neh atloe tloe kawng khaw athui caih. Pa Van Thang (USA) kah ol uen nah neh a tong uh.

Rev. Dr. Biakson loh athui tah” singyoe hetah thoh pong nah, khosak rhamsak yuloh vasak, poeito, lumla, pueinak, poek naboeih he ni. Singyoe he voeh voeh rhoeng ham angoe. Bawknah tihe tah saikung Khohni omtite tang natih thothueng naloh pahoi asoep sak.

Akathuem bawk natah Diklai hlang nadong ah boeiboeih tueng taktak. Mahkah singyoe khoem tueng­tah ng’khoem ni. Bawk naneh akalh tah hnawt ham then tila athui.Pa Bung Kung (Rgn) loh athui tah “Nupa kah khohmuen lohmuen kawng acimcaih la athui. Hmailong ah pongthoh nadong ah Ukpadi hmui ah bisai naham kawng khaw olpuei la athui”.

Pa . L. Cang Toi loh athui tah, “Wisdom and knowledge Education, formal Education nonformal Education kawng neh Mahram ah Private saeng-im moeh om coeng dae cueih nahe sang hlan. Hmailong atah Private saeng im thai ng’khueh thai koi nih then ni. Hmaiben atah hlangcueih thoem hlang moeh angoe coeng tila athui caih”.

Pa Buh Phueih Matupi MCDO (Secretary) loh 2013-2020 khoi kah apong athoh nah athui caih. Pa Ram lian USA, MCDO loh a mah kah abibi apong athoh nakawng koep athui caih. Rev. Ram Uk (Joint- Secretary BCF) loh amah kah bibi apong athoh nah athui caih.

Rev. Lung Noe loh BCF neh MCDO apha na rhoi kawng athui caih. Pa Rham Tang long khaw MCDO kah tangka paisa kawng langya la om thai ham poek nah apaek. Pa Ha Luen (Singapore) long tah MCDO kah bibi na he hlang tom loh hmuh ngaih, yak ngaih la om thai ham poek na a paek. Hlang noe rhoek ham ol puei la cang puei nah apaek.

Pa Yen Thang (USA) long tah olthang kali aloe la yak thai he olpuei dong ah a thuem aham la ol nan yak sak uh thai ham olpuei la athui. Cadong Thang Thang loh athui tah ” Global MCDO youth boih loh mah ol mah ka pom cang sih ti la athui”. Nu Du Hma (TEO) loh athui tah “ca na loh nu pa ol ngai vaeng ah nu pa loh he ca na ham koe va tet ca khaw paek ham hnaih pawh tih la a thui”.

Pa Dup Ding loh athui tah ” Nu Pa kah kho hmuen lo hmuen yoih pawt ham ol puei la athui”. Nu Thim Coel (Naypyitaw) loh MCDO atha om naham tha huel usih. Tephoei ah Global Conference kah akalo boeih kah ol dawt nah neh koep ah athui pa