Editorial

Kolram pum Covid -19 tloh khoepkha ham la ram ukkung Nu Aung San Suu Kyi long tah Kolram pum pilnam loh rhainah atong vaeng ah tloh khoepkha nah Mask , cak ok he aphu atloh la yoih pawt ham ol ahoe. Tedong ah Upadi neh adue aca mueh la akayoi rhoek he ngaithuen nah apaek .Chinram Matupi peng akhaw Tekah akawng neh tukkai tih khopuei khui ah hnukvaeng ah Mask pakhat ah yakat(100/-) la ayoih uh. Ti hnin hnang diklai pum tloh mi loh hlang boeih atul anoi vaeng ah tloh khoepkha na la ahmang uh.

Mask moeh aom khui ah a ngen tah sading nah yung lamkaloh asai utih a ngen tah oepsoeh la asai tang tae ayoih uh. Siyung ben lamkalong tah si saya/ ma rhoek ham athen then apaek u tih Covid – gate akatawt rhoek ham tah aphu akayol koek ks. 100 phu he apaek uh. Alai uh. Ahmang uh. A ngen long tah athai lai naham aom pawt dong ah acimca la tuicim neh asuk utih koep ah­mang uh.

Hekah bibi dong ah tha akahuel rhoek he amah miloh datsi, tui, tangka paisa ahmang utih khopuei atawt uh. Tekah aktawt rhoek la MCDO youth, Mara youth, CYO youth neh Barhan bibi rhoek. Tebueng mueh la at­loe CSO kah bibi kung rhoek khaw thum utih khoyin khothaih atawt uh.

Barhan benlam kalong khaw khoyin khonoek lung 10:00 lamkaloh atong tih mincang khonoek lung (4:00) hil ah ukhaw aleng la nacet mah pawh tila ahoe lal apataeng khaw PKU ben lam kah mawtaw khaw saeh, Hakha ben lamkah mawtaw khaw saeh hakun tih hlang­mi khaw moeh kun tila yak la om. Tedong ah Matu pil­nam boeih kaikhaw nangkhaw ngai thuen naneh hutnah akakhueh kung taeng ah aloe la puen ham om.Tebueng mueh la kaikamah loh olkavai pawt atah Ngaithuen ol bang la kho n’sa pawt koi nih Matu pilnam boeih mit­moeng sak kung la n’coeng sol pawt nim.

Siyung atah Uniform abuen uh. Tlaek tlaek atho uh. Mask abuen uh pa hoi a tho uh bahoeng then. An­gen tah aphu 500, 1000, 1500 hil ah ayoih uh. Angen longtah aphu ayet la ayoih a ngaih dong ah om pawh. Boeih coeng tila aka thui khaw om. Hekah akawng neh Matupi Municipil yungben lam kaloh mingcang hno­pai ayoih nah Bayar (Cangbong) ah along a-im ah yak ming thaiham la hnolai la aka lo hlang boeih te ayoe la apaek. Kut silh nah (Handgel) hmangthai nah along a-im tekhaw acang puei uh.

Tephoei ah Cangbong bazar ah hlangatingtun aih dong ah Khoboi, Longvan vang ah akaom pilnam ham la Bayar athai asai uh. Tekah akawng dong ah municiple kah bibi rhoek te khaw acim acaih la bi asai thai ham abom acaem uh. Hnin hnang ah Covid – 19 tloh na dong ah diklai pumtom he atul anoi coeng. Barhan ben lam ka loh ngai thuen nah ol he dik Lai hman kah ol hoe nah hlang tom taengah ayak sak uh.

He kah tloh na he Taluk kho lam ka loh atong cuek na la om tih, te lam ka loh, lai so peng tom ah hlang tom so ah pai tih. Hlang la kueng nah moeh apaek. Corona Virus (Covid-19) he aming n’yak vaeng ah hlang tom loh a rhih la om. Tekah cangpuei na ah hnoyoi, hnolai angen long­tah pahnih(2), pathum(3) khaw ayoe la soeh abih uh.