Global Matupi Community Lam Kaloh Chinram Paletwa Peng Khui Rhalthoh Nadong Ah Rhainah Aka- tong Pilnam Ham Bomnah Apaek Uh

Chin ram, Paletwa peng, Sami kho ah Rhalrhih rhai nah a katong khodaeng lungma akaming rhoek ham USA kah Helen Chandi Thang neh, Ye Naing, Sayama mah Oi Hnaih, Pa Thui Lawn amih taeng neh Norway lam kah Jacob Lai Thang taeng kah bom nah tang ka hom ah Ks ting (150) he Matupi kah Bu la a kapai MCDO (Matupi Community Organization) taeng ah han pat u tih, rhai nah aka tong Im bing (710) hlang mi (2700s) hlai ham cak ok, cangyen dip (230), Situi pung (10) lung kaeh dip (10),

Nga pih dip (10), kalape dip (10), Rha sawn ling dip(10), Rhasawn bok dip (10), Nat-im caeh nah abom (80), Moka yol (1) neh atloetloe angoe ngaih alai pa uh. Tekah hnopai tah Matupi, MCDO, EC rhoek neh MCDO (Youth) rhoek loh Matupi khopuei khuilam kah hlang mi (20) neh Motors (3) dong ah aphueih utih Samin kho khui tah hlaem ben (5:00) P.M ah apha uh. Samin Kho apha uneh hut nah akakhueh rhoek neh voek hlak u tih, Hnopai atung nah ahmuen la pahoi ah ap nah a khueh uh.

Tekah hnopai ap natah Matupi, MCDO Chairman ca Pa L. Cang Toi loh akawng alam neh kutdoe akapae kung rhoek taeng ah uemcil khaw pahoi athui tih, Sami khokhui kah boelrhai Committee a ham ca Matupi District A.D.U taeng ah hno pai ca yin neh (Vocher) pahoi a ap, Tevaeng ah Rev.Dr. Biak Son kah thang thui naneh a ap uh.Te phoei ah Hnopai te Mawtaw dong lam loh MCDO Youth rhoek loh pahoi abong yong puei uh.

Sami kah rhainah akatong rhoek tah Paletwa Peng Watma kho, Pyangtaeng Kho, Mitca(1), Mitca (2), Mitca(3), Ngamin tawng, Sabu tawng kho hom ah imdong la (710) omtih hlang mi (2700) hlai tah Camp (6) ah akhueh uh. Matupi MCDO aham carhoek tah 11.4.2020 Matupi la koep ha mael uh. Bomnah a kapaekung tah

No. Organization Name Tangkacayin Mark 1. USA (Rhoi hui rhoek) Helen sundi Thang Ks.Ting (101) 2. USA Portland, Chin Family Ye Naing Ks Ting (20.7) 3. Norway Stavanger Chin Organization, Jacob Laithang Ks. Ting (18.6) 4. U.S.A Chin Baptist Church (Matu) Daw Oi Hnaih Ks. Ting (6.5) 5. USA Pa Tui Lawn Ks. Ting (3.5) Total Ks. Ting (150)