Matupi Cangbong Pilnam rhoek tah Pang nah ol

Februaey25, 2020; Matupi kho puei khui kah tui cak tah kaisiyung lam kaloh tui ayet koek aloh tih pilnam loh acak la om. Tekah akhui ah Cangbong vang tah tui ayol dong ah Vuitu kho ngan kah tui te Shwe yi Ngwe Yi loh aloh pah. Tebueng mueh la Ngalaeng kho kah khoi tui Tui te khaw Tingsihta Company loh loh tih cak la om.

Tekah tui te ta hae atah Phanaeng neh Ngalaeng lak lo ah Matupi District yung thai neh im (5) sasak dong ah tui te imsak naham la tui akhah uh. Tekah akawng dong ah Cangbong khoboei Pa Rhing Toi neh PA Thang Cing neh ahui rhoek loh Matupi cangbong vang ah ngai hlih phoe ham la cai uh. Tedong ah Tui he hampit upawt mako ati­na uh. Tevaeng ah Chin Mangpa Sai Lian Loi loh athui pah tah Imsak vaeng ah tui lai naham estimate om pawh. Tedong ah Imlo aloe coeng angaih dong ah tui te khap u coi ni. Tedong ah nayak ming athae mako tila athu pah.

Tekah tui adang nathai ham la Tuiloh naham la Ting 2900 koep kam paek uh. Tedong ah tui teni arhai atah aloe la koep loh ham thui uthae. Athae bueng sai u boeh. Ngaihlih naphoe ukoi nih imsak pawt ham la om mai coeng ta. Tetaya nangaih u ngai.

Tekah akawng dong ah Matupi GAD officer, Municiple bibi kung rhoek, Khonu khopa rhoek neh hlang noe rhoek loh Banaeng kah tui asawt uh. Tekah tui pahnih (2) he n’lo koi nih Pipe 2 inch dong ah bae ni. Tedong ah tekah tui loh ham te tahae ah ol puei la athui uh. Khohal angawn tah tui he rhoeh hlan. Lem Ru ( Bun­glong) tui he n’loh daeng ani tui he a rhoeh pawn eh.Tui om pawh, hmai a om pawt dong ah District officer rhoek tah siyung imkawt ah om uh. Tui he ayet ngai loh alai uh.

Be the first to comment on "Matupi Cangbong Pilnam rhoek tah Pang nah ol"

Leave a comment

Your email address will not be published.