Matupi Community Development Organization kah hla(2) khui ah bii bi nah Global MCDO taeng ah ming sak nah

Matupi MCDO executive committee athai tuek na tah 14-3-20 hnin ah sai la om. 16-3-20 vaeng ah Paletwa ram khui ah rhal thoh na dong ahbangha aka ca hma aka hmu hlang(20)hlai Matupi siyung ah ham pha dong ah MCDO Youth rhoengli rhoekloh kho a poek uthai tih bangha akaca rhoek ham tangka cong uthae tih 250000/- kut doe uthai.

MCDO ahamca rhoek long khaw tang ka cong u thae tih 17-3-20 ahbang ha akaca rhoek 780000/- kakut doe u thai.Tephoei ah bang ca aka ca rhoek tawt hamla Township Management Committe Chairman loh MCDO President te 18-3-20 neh 27-3-20 hnin ah a tloe government department kah hlang rhoek neh duty paek la om.

Paletwa ram ah rhal a tlung dong ah rhal rhih puencak hlang(2841)Sami khola a yong u tih te rhoek bom na ham la USA hlangcom hlangcikah kut doe Rev.Dr.Henry ValThang kahacanu Helen Thang loh သိန်း (101),Portlan Oregon Chin Family,Yelin Bosco Thang lohသိန်း (20.7), Norway Stavenger Chin Organization ,Jacob Laithang lohသိန်း(18.6),

USA Chin Baptist Church(Matu) Nu Awi Hnaih lohသိန်း(6.5),USA PaThui Lawn lohသိန်း(3.5)hom ahသိန်း(150.3) neh Cangyennehcak ok koi asoeprhaep,Hoeih nah siasoep rhaep te MCDO E.Cneh youthhlang(15)loh 10-4-20 hnin ah Samikho ahkacaet u tih bom na te athen cala ka paek uthai.

Tephoei ah diklai hman kah tloh thae mah kho ham pha napawt thai ham la COVID-19prevention  sai nah Bunglonghlai gate neh Balsaehsok gate ah hinnat ah MCDO E.C hlang(2) neh Mara youth rhoek 3-4-20to 17-4-20,MCDO Youth hinnat ah hlang(4) neh Mara Youth rhoek18-4-20 to 3o-4-20 hil ah n’kho n’ram ah tloh thae loh mulh n’ thingnapawt thai ham PA PT taeng ah thang thuinaneh Township Management Committee Chairman neh bongyong utih ngaithuen na neh thinat koat cala bongyong na neh biika bii uh ti tekan tueng sak uh ne.