Matupi Khopuei Khui Kah Covid-19 Tloh Ngaihoih Dawndah nah Nata¬lah Saengim ah Akhueh uh

April27,2020; Matupi kung sut tih diklai pum Covid – 19 tloh nah patoeng patoeng dom la om co­eng. Tekah akawng dong ah Matupi peng ukkung lam ka loh khoep kha thai nah along a-im a tlam. Tevaeng ah aso ben luem hnang neh sading nah yung lam ka loh along a im bang la peng uk boei Aung Myit Kyaw loh kho nu kho pa,

Community bibi kung rhoek, NGO, INGO, CSO neh bawk na ben kah aham ca boeih meeting akhue tih hmai long ham kho akhan uh. Lam hma cuek ah sading nah yung lam ka loh pilnam loh ming ham koi ca neh, ol neh, la neh hlaem mincang ah a hoe. Te bueng mueh la pum im takuem lam kaloh ngaituen nah ol neh ahoe sak.

CSO la a ka om MCDO, CYO, Joseph Oxygen, NGO, INGO, Mara rhoeng thai neh Bawk na ben bibi kung rhoek boei boeih bungyong uh thae tih bi a sai li la om. Tekah akawng neh tu­kai u tih Matupi – Mindat mawtaw long puei Covid -19 gate, Paletwa-Matupi Mawtaw long puei Cov­id – 19 gate neh longcut (8) ah ba rhan bibi kung rhoek neh CSO loh hnin ta kuem aka cet thuk aka cet hang hlang kah apum a bae te atah.

Te phoei ah ramvoel USA, China, Norway, Denmark, Sin­gapore, Philippines, Korea, …….. neh Kolram khui tloh aom nah kho lam kah yin boeiboeih tah Matupi Natalah Saengim ah athen ca la a sawt a let uh. Tevaeng ah barhan bibi, Police, CSO ah hut nah aka kueth rhoek loh adawn a dah uh. A ngen tah te kah khui ah kun a ngaih pawt dong ah thuh ael van dae kho khui kah ka om khoboei neh a pilnam loh a puen dong ah te kah ahmuen la koep a pha uh.

Te kah dawn dah na tah March 28, 2020 vaeng ah No. 1, BEHS ah atong uh. Hlang ayet vaeng atah Natalah saengim la koep a puen uh. Tekah dawn dah vaeng ah hnin (21) om ni. Tekhui ah atalkhak tui te siyung lam ka loh aloh vetih Yagon siyung la a saek aboe pani. Asaek aboe nah hno te ks.ting (150) a pu nah.

Tihnin hil ah hlang (7) koep a hlah u coeng. Tahae ah tung pa (1) neh huta (10) he sawt let la om pueng. Peng ukkung kah ol hoe na dong ah ram sading ham aka ngaih boeih tah asoben khokhan bang la ihtue ah ip, caktue ah ca, atui ahlim a hah la ca, hlang a yet tingtun na ah caeh pawtham, poeng la na caeh vaeng ah na ka te khoep dah lam tah cet. yin boei boeih ngai thuen, tebang la khosak ham hlaem mincang ol ahoe.