Matupi Peng NLD Yung Thai Ong Nah Poei Asai Uh

February 25, 2020; Matupi peng National league For Democracy yung puei ong nah atue tah mincang khonoek lung 8:00 ah asai uh. Terkah ong nah poei atah Chin NLD party Chairman Pa Zo Boi, Mangpa Pa Slai Lian Lwe, Lamben Mangpa Pa Sui Thio, Tangka Mangpa Pa Vui Kaw, Hlang Mangpa Phuei Aa, MP Pyi Min neh ahui rhoek hlang mi (30) yinlam kah halo uh.

Tekah ong nah poei ah Matupi khopui khui kah NLD members naneh Pengben kah NLD akapai puei hlang mi (300) hlai thum uh. Lamhma cuek ah Ol hoe kung la Sayama- Oliver Htun loh abi. Tekah Yung ong naham la Rev. Cang Lung kah thang thui naneh atong uh. Tephoei atah Pa Zo Boi, Pa Lian Loi neh Pa Aung Thang (MTP peng NLD Chairman) hlang pathum loh pairhui a ah uh. Akalo boeih uem puei na la kut bael neh vanben la Hydro Puphawng ahlah uh.

Tekah ong nah a sai u phoei ah NLD meeting hall khui ah boeih kun utih lamhma cuek ah Pathen taeng ah Rev. Pa Voei kah thangthui na neh meet­ing a tong uh. Agenda bang la Chin ram NLD party Chairman Pa Zo Boi loh uem ol athui. Athui ol tah ” Kolram pum political ben ah sading naham tah NLD party bueng long ni asai thai. Democracy a kasai kung party la ng’om uh.

1990 kum ah Matupi peng ah NLD party loh ta nah n’dang uh. Tevan bang la 2015 kum akhaw NLD loh MP tuek nah n’ta uh. 2018 Matu­pi peng a laklo tuek na ah NLD n’ta u pawh. Tekah akawng he pilnam loh athen la ayak ming ham thui a ngoe ni. 2010 kum MP tuek na dong ah Chin party rhoek tah 2008 ram uk nah kavai ni a tivan bang la tihnin hil akhaw USDP party neh hmaih bong yong uh.2018 Matupi peng alak lo tuek na dong akhaw m’hmuh thai.

NLD kah Democracy he ngaih pawh tite tueng. Tevaeng ah Chin MP (12) Hlawtdaw ah ngol dae Fedaral kawng kam at khaw athui u moe nih. NLD party kah Federal Democracy Pyithawng Suh a caeh te a hmuh vaeng ah Federal Democracy kawng a thui uh. Pilnam angai hmang pawt ham a cim caih la thui a ngoe coeng.

Thik at la bibi naloh tha la acoeng dong Kolram pum ah Fedaral Democracy akapai sak ham tah NLD pawn ni. NLD party tah 2008 uktaem nah kangaih pawh a tidong ah 2010 kum ah Rampum tuek na khui ah ng’kun u pawh. 2012 kum atah NLD loh abih van bang la 2008 ukpadi tah hin yah naham then tila atlaih avong dong ah 2012 kum alak lo tuek vaeng ah MP (45) khui ah (43) loh NLD loh MP n’dang uh. 2015 rampum MP tuek nadong ah 82% n’ta thai dong ah Barhan la m’pai thai. 2020 kum tuek vaeng atah

Chinram mangpa Slai Lian Lwe loh athui tah ” Chin hlang loh mang ah m’hmuh noek pawh poek na neh Chinram he Kol ram khui ah tangka ayet koek Pyithawng suh lam kah dang la ng’om. Alen koek la Falam Surbung vanyawngvan tah 37 billion hil ah m’hmang uh. PaLetwa hlai tah (7) billion hil a m’hmang uh. Tebueng mueh la Chin ram kho puei kui ah Art neh Science University, Law University, Education College, Nurse College, Engineer College, Luemhnang College neh Mindat Art neh Science College n’sai li la om.

Tephoei ah Chin tlang lam ka loh adak ben Paletwa hil ah Mawtaw long puei 509 miles he boeih daeng la om coeng. Tebueng mueh la Nailon kattaya khaw phaih li la om coeng. RC Saeng im 1300 sak la om coeng. Tahae ah Barhan bibi kung rhoek om nah im Chin ram khui ah im3000 hlaisak la im coeng. Hekah bibi he n’sawt vaeng ah mang ah hmuh noek pawh Chin ram khui ah om coeng. Khambal set Mindat ah sak la om coeng. NLD party bibi nah athen nah moeh om pueng tila athui caih.

Be the first to comment on "Matupi Peng NLD Yung Thai Ong Nah Poei Asai Uh"

Leave a comment

Your email address will not be published.