Unioun Betterment Party Yung Thai Ong Nah Asai Uh

Feb27, 2020; Matupi, Longvan vang ah kungsut utih Kolram ah Apathum nah aka boel uh (UBP) party athai tah mincang khonoek lung (10:00) lamka loh Yung ong nah atue tah atong uh. Yungap ham la Rev. Lai Peng ( Valangpi) kah thang thui na neh atong uh.Yung ongnah pairhui akaat la Pa That Dun, Pa No Bik neh Kolram pum kah central EC member

U Tin Maung Oo hlang pa thum loh pai-rhui a ah uh. Tevaeng ah Baiyan (flag) kah athui ngaih na te khaw aphong. Tekah baiyan dong ah Aisi (8) akhu­eh nakawng khaw athui caih. 1947 kum kah Kol­ram ah hlang phun (144) om. 1974 kum atah hlang­phun (135) om. Tihnin ah atah (134)om.Party kah mangtaeng natah hmailong ah Fedaral Democrasy neh kamawt ni tila athui caih.

UBP party kah Chairman tah Thurah Shweman loh ahut nah. 2015 kum MP tuek vaeng Phuy peng Pyithuh hlawtdaw a na bi. USDP Paty khu ah amah ngaih bang la bi a sai thai pawt dong ah Tahae ah Party aphung. USDP party khui a khaw ka om pawh. NLD party khui a khaw ka opm pawh ati. Tedae Central Commiittee tah Rhal boei Pen­sion moeh thum. Ramkah angoe he kai mih long ni ka ming uh. tila athui caih.

UBP party tah 2019 kum April hla lam ka­loh atong. Peng 260 khui ah yung ka ong coeng ati. Party member ting (5) hlai om tila athui.Nithawng la a ka om UBP party khui ah boeih mek paek thai ham lam khaw athui caih. Chinram khui peng (5) ah yung a ong uh.

Chin ram laipai akapai U Saw Ma Na loh athui tah Chin Hlang He mah bueng pai thai nah along om pawh. Tedong ah Kol hlang nen he thik at la bi saihe then tila athui. Tebueng mueh laYan­gon lam kah laipai la akalo Pa That Dun loh athui tah Mikphi abo ah mikphi aka huih thai, Ko athae vaeng ah ko akathae puei party he ngaih la om.

Pa No Bik loh athui tah Fedaral Democracy he Rhal kap long ni asai thai. Tedong ah Thurah Shweman (UBP) party he tha paek ham la ol athui. Te phoei ah UBP party kah pai hmuen thui caih na khaw athui uh. Party kah amang taeng na khaw athui. Tekah ahmuen ah akacet hlang rhoek long khaw aming ngaih te athen ca la adawt uh. Ol boeih athui u coeng atah khothun buh akok utih yin rhoek boeih tah hlaem (1:00) vaeng ah bal uh.

Be the first to comment on "Unioun Betterment Party Yung Thai Ong Nah Asai Uh"

Leave a comment

Your email address will not be published.